29
қаңтар
2021
Алматы қаласы Білім басқармасының ұйымдастыруымен Қазақстан Республикасы Білім және ғылым министрі Аймағамбетов Асхат Қанатұлы мектеп басшыларымен және мұғалімдермен кездесті
Бүгін Алматы қаласы Білім басқармасының ұйымдастыруымен Қазақстан Республикасы Білім және ғылым министрі Аймағамбетов Асхат Қанатұлы мектеп басшыларымен және мұғалімдермен кездесті. Кездесуде Асхат Қанатұлы жалпы қазіргі кезде білім саласында болып жатқан өзгерістер мен жаңалықтар туралы толық баяндады. Биылғы оқу жылындағы ҰБТ тапсыру ерекшеліктеріне тоқталып, түсіндірді. Мұғалімдер мен директор орынбасарларының қосымша үстемақы алуы туралы айтылды. Кездесу барысында маған ұнаған жаңалық Қазақстан тарихы пәні бойынша оқулықтарды бірізділікке түсіріп, оқушылар білімді бір оқулықпен алатындығы. Бұл жаңалық менің көкейімнен шықты. "Елді ояту үшін, тарихты ояту керек" деп Мырзатай Жолдасбеков айтқандай, тарыхын бойына сіңірген ұрпақ еліміздің нағыз патриоттары болатынына сенемін. Асхат Қанатұлы мұғалімдердің, мектеп басшыларының көкейінде жүрген сұрақтарға толық жауап берді.