Жас зияткерлердің жарқын жеңісі

№148 мектеп-гимназиясы 11-сынып оқушылары Шаяхмет Дінмұхамед пен Нугманов Нұрым «ХХІ ғасыр көшбасшысы» зияткерлік ойынының қалалық кезеңінде жоғары нәтиже көрсетіп, жүлделі ІІІ орынды иеленді.

Сонымен қатар, республикалық кезең қорытындысы бойынша қатысушылар балл көрсеткіші негізінде ІІ орынға қол жеткізіп, өз білімдері мен зияткерлік деңгейлерін жоғары дәрежеде дәлелдеді.

Бұл жетістік – білімге деген құштарлықтың, жүйелі дайындықтың және табандылықтың нақты нәтижесі. Оқушыларымыздың табысы мектеп ұжымының сапалы білім беру бағытындағы еңбегінің жемісі болып табылады.

Жас зияткерлерімізді лайықты жеңістерімен шын жүректен құттықтай отырып, алдағы білім додаларында да биік белестерді бағындыруларына тілектестік білдіреміз.