Жаңа оқу жылында, "Білім күніне" орай Нұр-Сұлтан қаласының орталық саябағындағы «Атырау» көпірінде қазақстандық мұғалімдерге арналған фотокөрме ұйымдастырылды

Жаңа оқу жылында, "Білім күніне" орай Нұр-Сұлтан қаласының орталық саябағындағы «Атырау» көпірінде қазақстандық мұғалімдерге арналған фотокөрме ұйымдастырылды.
10 қыркүйекке дейін жалғасатын іс-шарада еліміздің түкпір-түкпірінен іріктелген 100 педагогтің портреті қойылған.
Жетісу ауданы №148 мектеп-гимназияның бастауыш сынып мұғалімі МЕРГЕНБАЕВА НАЗИГҮЛ ОРАЗБАЙҚЫЗЫ мен математика пәнінің мұғалімі ДОРВЕТХАН ГҮЛЖАННЫҢ суреттері Республиканың 100 ұстазының көрмесінен орын алған. Біздің мектептің екі ұстазы да Республикалық ҮЗДІК ПЕДАГОГ конкурсының жеңімпаздары. Әріптестерімізбен мақтанамыз!
Бұл аталған фотокөрмені ҚР Білім және ғылым министрлігі мен Нұр-Сұлтан қаласы әкімдігінің қолдауымен BI Group инновациялық құрылыс холдингі ұйымдастырып отыр.
Мақсат - ұстаздарға алғыс айту. Сол себепті көрме атауын «Ризамыз: Ұстаз» деп аталған.

https://www.instagram.com/p/CTZ9tueMDkb/