Ұстаздар күнімен шын жүректен құттықтайды

148 мектеп-гимназиясының әкімшілігі мен ұжымы барша әріптестерімізді, еліміздегі барлық ұстаздар қауымын кәсіби мерекелері – Ұстаздар күнімен шын жүректен құттықтайды!

Ұстаз – тек білім беруші ғана емес, ол – жүрек жылуын аямайтын жан, бала жүрегіне үміт пен сенім ұялататын тұлға. Сіздердің өлшеусіз еңбектеріңіз, табандылықтарыңыз бен шәкірттерге деген шексіз қамқорлықтарыңыз – еліміздің жарқын болашағының кепілі.

Барша ұстаздарға мықты денсаулық, отбасыларыңызға амандық, жас ұрпақ тәрбиелеу жолындағы еңбектеріңізге шығармашылық табыс, қажымас қайрат, шәкірттеріңіздің шынайы алғысы мен құрметін тілейміз!

Ұстазға деген құрмет – мәңгілік.
Мерекелеріңіз құтты болсын, құрметті ұстаздар!