27
ақпан
2020
"Функционалдық сауаттылық - білім сапасын жетілдіру" тақырыбында ҚАЛАЛЫҚ семинар өтті
Жетісу ауданы №148 мектеп-гимназияда Республикалық "Үздік педагог" байқауының жеңімпазы мектебіміздің бастауыш сынып мұғалімі Мергенбаева Назигүл Оразбайқызының және үздік бастауыш сынып мұғалімдерінің тәжірибесін тарату мақсатында "Функционалдық сауаттылық - білім сапасын жетілдіру" тақырыбында ҚАЛАЛЫҚ семинар өтті. Семинардың қатысушылары семинар басында мәжіліс залында жиналды. Қалалық білім берудегі жаңа технологиялардың ғылыми-әдістемелік орталығының бастауыш сыныптар әдіскері Атейбек Сандуғаш сөз алып қала мектептерінен келген ұстаздарды семинар бағдарламасымен таныстырды. "Оқушылардың креативті ойлау дағдыларын қалыптастыру үшін арт-терапияны қолдану ерекшелігі" тақырыбында Мергенбаева Назигүл, "Жаңартылған білім беру мазмұны бойынша әдебиет сабағында мәтінмен жұмыс жүргізудің жолдары" тақырыбында Батырова Гүлжахан шеберлік сабақтарын өтті. Игембердиева Гүлнар 1Ә сыныбымен дүниетану пәнінен "Алтын адам" тақырыбында, Дүйсенбекова Қарлығаш 2А сыныбымен әдебиет пәнінен "Қош келдің, Наурыз!", Нұрғожина Ләйлә 3Б сыныбымен әдебиет "Ғұлама ғалым" тақырыбында, Жошыбаева Мархабат 3А сыныбымен математика пәнінен "Разрядтан бір рет аттап өту арқылы жазбаша көбейту, бөлу" тақырыбында, Нұрсеитова Әлия 4Б сыныбымен әдебиет пәнінен "Сақтан, қорға, көмектес" тақырыбында ашық сабақтартар өтті. Қалалық семинарға қатысқан ұстаздар алғыстарын айтып тарасты.