"Адал ұрпақ" еріктілер клубы

Жетісу ауданы №148 мектеп-гимназияда Жетісу ауданы Білім бөлімінің тапсырмасы негізінде, мектептің тәрбие жоспарына сәйкес бүгін 19.10.2020 күні 5-сыныптың 11 оқушысы оффлайн форматта, 100 оқушы онлайн форматта "Адал ұрпақ" еріктілер клубына ант қабылдап өтті. "Адал ұрпақ" еріктілер клубына мүшелікке қабылдау салтанатты жиынында мектеп-директоры Алиакбарова Фатима Маметқалиқызы құттықтау сөз сөйлеп, оқушыларды клубтың белсенді мүшесі болуға шақырды.
«100 нақты қадам» Ұлт жоспарын жүзеге асыру іс-шаралар жоспары бойынша 13-ші қадамның 9-тармағын іске асыру мақсатында 2016 жылы Қазақстан Республиканың жалпы білім беру мектептерінде азаматтық-патриоттық тәрбие және рухани-адамгершілік мән-мәтінінде сыбайлас жемқорлыққа қарсы мәдениетті қалыптастыру бағдарламасы енгізілді. Мектебіміздің 1757 оқушысы "Адал ұрпақ" еріктілер клубының мүшесі болатын. Осы бағдарлама аясында мектеп жанынан ашылған «Адал ұрпақ» еріктілер клубы жұмыс жасауда, оқушылардың 90 пайыз осы клубтың мүшесі.