№148 мектеп-гимназияда "Едіге батыр" жырының мектепішілік кезеңі өтті

Жетісу ауданы №148 мектеп-гимназияда "Едіге батыр" жырының мектепішілік кезеңі өтті. Елімізде оқушылар арасында батырлар жырын жатқа оқудан Qazaq Epos республикалық жобасы қолға алынды. Байқау Елбасы Нұрсұлтан Назарбаевтың «Болашаққа бағдар: рухани жаңғыру және Ұлы даланың жеті қыры» мақаласындағы міндеттерді іске асыру мақсатында ұйымдастырылып отыр. Қатысушылар «Едіге батыр» жырын жатқа айтып, жырдың ішіндегі көнерген, тариxи сөздердің мағынасын түсіндірді. Он алты оқушының ішінен Үздік деп танылған төрт оқушы аудандық кезеңге жолдама алды.