№148 мектеп-гимназиясында Ұлттық ғұрыптарды дәріптеу күніне орай, 2 “Г” сыныбының оқушылары орыс тілі пәні мұғалімі Булан ағаймен бірге қазақтың ұлттық ойыны – асық туралы қызықты мағлұматтар алды.

Жетісу ауданы, №148 мектеп-гимназиясында Ұлттық ғұрыптарды дәріптеу күніне орай, 2 “Г” сыныбының оқушылары орыс тілі пәні мұғалімі Булан ағаймен бірге қазақтың ұлттық ойыны – асық туралы қызықты мағлұматтар алды.

Ұстаз балаларға асықтың түрлері, оны қалай және не үшін ойнайтыны туралы түсіндіріп берді. Оқушылар ұлттық ойынның тарихымен танысып, асық ойынының ептілік пен дәлдікті дамытатынын білді.

Үзіліс кезінде оқушылар асық атып, өзара жарысып, дәстүрлі ойынның ерекше көңіл күй сыйлайтынын сезінді. Оларға бұл ойын қатты ұнағаны сонша, енді әр жұма сайын асық ойнауды дәстүрге айналдырмақ!  

https://www.instagram.com/p/DFxrgy4qGq-/