Құқықбұзушылықтың алдын алу бойынша түсіндіру жұмыстары өткізілді

Жетісу ауданы №148 мектеп-гимназиясында оқушылардың құқықтық мәдениетін қалыптастыру және құқықбұзушылықтың алдын алу мақсатында Жетісу ауданы қылмыстық бөлімінің мамандарымен кездесу өткізілді.

Кездесу барысында мамандар жасөспірімдер арасында жиі кездесетін құқықбұзушылық түрлеріне тоқталып, олардың салдары мен заң алдындағы жауапкершілік жайында түсіндірді. Сонымен қатар, оқушыларға қауіпсіздік ережелерін сақтау, салауатты өмір салтын ұстану және қоғамда өзін дұрыс ұстаудың маңызы жөнінде кеңестер берілді.

Оқушылар белсенділік танытып, өздерін толғандырған сұрақтарын қойып, толыққанды жауаптар алды.

Іс-шараның негізгі мақсаты – жасөспірімдердің құқықтық сауаттылығын арттыру, заңға құрметпен қарауды үйрету, тәртіп пен жауапкершілікті қалыптастыру болып табылады.

https://www.instagram.com/p/DO0aWTqCiK8/?hl=ru