Тәрбиелік мәні зор сынып сағаттары өтті

Жетісу ауданы №148 мектеп-гимназиясында оқушылардың жас ерекшеліктеріне сай тәрбиелік бағыттағы бірқатар маңызды сынып сағаттары ұйымдастырылды. Бұл іс-шаралар оқушылардың бойында экологиялық мәдениет, кәсіби бағдар, еңбекке құрмет және азаматтық жауапкершілік сияқты маңызды құндылықтарды қалыптастыруға бағытталды.

 «Алматы – таза қала!»

Экологиялық мәдениетті қалыптастыру мақсатында өткізілген сынып сағаттарында оқушылар:

• қоршаған ортаны қорғаудың маңызын талқылады;

• тазалық тақырыбында эссе жазып, суреттер арқылы өз ойларын жеткізді;

• экологиялық бейнематериалдар тамашалап, мақал-мәтелдермен жарысты.

Сабақ барысында оқушылар тазалықты ең алдымен өзімізден бастау керектігін ұғынды. Бұл сабақтар олардың туған қаласына деген сүйіспеншілігін арттырып, жауапкершілік сезімін оятты.

Кәсіптік бағдар: «Біздің қаламызға қандай мамандықтар қажет?»

Мамандық таңдауда саналы шешім қабылдауға баулу мақсатында өткен сынып сағаттарында оқушылар:

• еңбек нарығында сұранысқа ие мамандықтармен танысты;

• қаланың дамуына қажетті мамандықтарды талқылады;

• өз қабілеттері мен қызығушылықтарына сай мамандық таңдаудың маңыздылығы туралы пікір алмасты.

Іс-шара оқушыларды болашаққа дұрыс қадам жасауға, саналы түрде мамандық таңдауға бағыттады

АДАЛ АЗАМАТ: «Еңбекқорлық – табыстың кілті»

Жас ұрпақты адалдыққа, еңбекқорлыққа және жауапкершілікке тәрбиелеу мақсатында өткен тәрбие сағаттарында оқушылар:

• еңбекқорлықтың өмірдегі орны мен маңызын түсінді;

• табысқа жетудің жолдары туралы ой бөлісті;

• адал еңбектің қоғамдағы құндылығын талқылады.

Бұл сабақтар балаларға адалдық пен еңбек – табыстың негізгі кепілі екенін ұғындырды.

Өткізілген сынып сағаттары оқушылардың ой-өрісін кеңейтіп қана қоймай, оларды адамгершілікке, еңбекке, туған қаласына және қоршаған ортаға деген жауапкершілікпен қарауға тәрбиелеуде маңызды рөл атқарды.