«Жырым мені ешқашан өлтірмейді» атты әдеби кеш өтті

Жетісу ауданы №148 мектеп-гимназиясында қазақ поэзиясының көрнекті өкілі, халықтың сүйікті жыршысы Тұманбай Молдағалиевтің шығармашылығына арналған «Жырым мені ешқашан өлтірмейді» атты әдеби кеш ұйымдастырылды.

Кеш барысында ұстаздар ақынның жүректен шыққан сырлы жырларын, ел есінде сақталған әндерін орындап, көрермен қауымға әсерлі рухани кеш сыйлады.

Биыл қазақтың ардақты ақыны Тұманбай Молдағалиевтің туғанына 90 жыл толып отыр. Осы орайда өткізілген бұл шара – ақын мұрасын насихаттап, өскелең ұрпақты поэзияның тереңдігі мен құдіретін сезінуге баулитын тағылымды кездесу болды.

Кеш оқушылардың әдебиетке деген қызығушылығын арттырып, ұлттық рухани құндылықтарды құрметтеуге бағытталды.