Балалардың қауіпсіз ортасын қамтамасыз ету: ата-аналармен кездесу

Жетісу ауданы, №148 мектеп-гимназиясында ата-аналар жиналысы ұйымдастырылды. Іс-шараға мектеп әкімшілігі, педагог-психолог, учаскелік инспектор және пән мұғалімдері қатысты.

Кездесу барысында бір сыныптағы оқу-тәрбие үдерісі, оқушылар арасындағы өзара қарым-қатынас, психологиялық ахуал және қауіпсіз білім беру ортасын қалыптастыру мәселелері жан-жақты қаралды. Ерекше назар буллингтің алдын алу және оны болдырмау жолдарына аударылды.

Педагог-психолог пен учаскелік инспектор ата-аналарға құқықтық және тәрбиелік мәселелер бойынша түсіндірме жұмыстарын жүргізді. Жиналыс барысында ата-аналар тарапынан ұсыныстар айтылып, олар назарға алынып, қабылданды. Кездесу ашық пікір алмасу форматында өтіп, мектеп пен ата-аналар арасындағы өзара ынтымақтастықты нығайту маңыздылығы атап өтілді.