07
мамыр
2020
№148 мектеп-гимназияның 5Е сыныбының оқушысы Бекмұқамбет Ілияс ҰОС кезінде тылда еңбек еткен ата-апасын үлгі етеді
№148 мектеп-гимназияның 5Е сыныбының оқушысы Бекмұқамбет Ілияс ҰОС кезінде тылда еңбек еткен ата-апасын үлгі етеді. Ұлы жеңістің 75 жылдығына қарсы соғыста ерлік көрсеткен батырларымызбен қатар, тылда ерең еңбек еткен ата-апаларымыз жөнінде айта кеткеніміз жөн сияқты. Менің атам Таурбаев Маштай 1912 жылы Жамбыл облысы, Байзақ ауданында дүниеге келген. Денсаулығына байланысты соғысқа қатыспаған, бірақ тылда қалған халықпен бірге бар ауыртпашылықты бірге көтерген. Атам саяси қызметте болып, жеңісті жақындатуға үлкен үлес қосқан. Атамның еңбегін бағалап, соғыс біткен соң 2 медаль берілген. Менің үлкен апам Таурбаева Қызай Жамбыл ауданы, Бесжылдық колхозында туылған. Соғыс кезінде масақ жинап, әлі келетін жұмысқа қатысқан. "Мектеп жабылып, мұғалімдер соғысқа кеткен кез. Хат танитын болған соң, жас болсам да мұғалім болдым, өзімнен үлкен балаларға сабақ бердім"- деп айтатын апам. Ұстаздық дипломын кейін алған. 1995 жылы жеңістің 50 жылдығына орай, мерекелік медальмен менің апам да марапатталды. Мен атамды, апамды мақтан тұтамын!
@zhetisu_roo
@edu.almaty
@aliakbarovafatima
@kikimov_maksat
@omarov6072
@zhetisu_roo
@edu.almaty
@aliakbarovafatima
@kikimov_maksat
@omarov6072