Ұлттық диктант – тілге құрмет, азаматтық жауапкершілік

2025 жылдың 22 қыркүйегінде Жетісу ауданы №148 мектеп-гимназиясында 5–10 сынып оқушылары республикалық «Ұлттық диктант» акциясына белсене қатысты.

Бұл мәдени-ағартушылық шара – тек жазу сауаттылығын тексерудің құралы ғана емес, сонымен қатар мемлекеттік тілге деген құрметтің, азаматтық белсенділік пен тіл мәдениетінің қалыптасуының айқын көрінісі.

Диктант жазу барысында оқушылар:

• қазақ тілінде сауатты жазу дағдыларын жетілдірді;

• ана тіліне деген сүйіспеншіліктерін нақты іспен көрсетті;

• жалпыұлттық тілдік бірлікке өз үлестерін қосты.

Мемлекеттік тілдің мәртебесін көтеруді көздейтін бұл бастамаға мектебіміздің оқушылары зор ынтамен және жауапкершілікпен қатысты.