«Мотивация – адам жанының талпыныс күші» атты семинар өтті

2025 жылғы 30 қыркүйек күні №148 мектеп-гимназия базасында Алматы қаласы Білім басқармасына қарасты «Психологиялық қолдау орталығының» ұйымдастыруымен «Мотивация – адам жанының талпыныс күші» тақырыбында семинар өткізілді.

Іс-шараның мақсаты – педагог-психолог мамандардың кәсіби қызметінде мотивацияның маңызын арттыру, ішкі ынталандыру көздерін анықтау және оны тәжірибеде тиімді қолдану жолдарын қарастыру.

Семинарға Жетісу ауданының білім беру ұйымдарында қызмет ететін педагог-психолог мамандар қатысып, өзара тәжірибе алмасып, кәсіби шеберліктерін арттырды. Қатысушылар мотивациялық әдіс-тәсілдермен танысып, практикалық жаттығулар арқылы тақырыпты тереңірек меңгерді.

Іс-шара барысында мамандар психологиялық қолдау көрсетудің заманауи бағыттары мен әдістерін талқылап, өз жұмыстарына жаңаша серпін алды.

Осындай семинарлар педагог-психологтардың кәсіби дамуына, өзара ынтымақтастығына және білім беру мекемелеріндегі психологиялық қызмет сапасын арттыруға ықпал етеді.