Зиянды әдеттердің алдын алу: нашақорлыққа қарсы түсіндірме жұмысы

Жетісу ауданының 148 мектеп-гимназиясында қылмыстық бөлімнің мамандары нашақорлықтың алдын алу мақсатында 7-11 сынып оқушыларына түсіндірме жұмыстарын жүргізді.

Іс-шара барысында оқушыларға зиянды әдеттердің адам ағзасына, психикасына және қоғамдық өмірге тигізетін теріс әсерлері жан-жақты түсіндірілді. Мамандар жасөспірімдерге нашақорлықтың қауіптілігі туралы нақты ақпарат беріп, салауатты өмір салтын ұстануға шақырды.

Бұл түсіндірме жұмысының негізгі мақсаты – жастар арасында зиянды әдеттердің алдын алу және олардың болашақ өміріне теріс ықпал етуіне жол бермеу. Осындай профилактикалық шаралар арқылы жас ұрпақтың денсаулығы мен қауіпсіздігін қамтамасыз етуге ерекше мән берілуде.