CLIL және STEAM әдістемесіне негізделген ашық сабақ

21.01.2026 жылы ағылшын тілі пәні мұғалімі Қайратқызы Гүлназ 10 «А» сыныбында ашық сабақ өткізді.

Сабақтың тақырыбы:
“Non-fiction books as a source of real life”

Ашық сабақ CLIL және STEAM әдістемелеріне негізделе отырып ұйымдастырылды. Сабақ барысында тілдік мақсаттар (оқу, сөйлеу, сөздік қорды дамыту) пәндік мазмұнмен (ғылым, технология, қоғам, өнер) тиімді кіріктірілді.

Сабақ оқушыға бағытталған форматта өтті. Fact/opinion тапсырмалары, топтық жұмыс, жобалық және шығармашылық жұмыстар арқылы білім алушылардың сыни ойлау, коммуникация және problem-solving дағдылары дамытылды.

Сабақта заманауи ақпараттық-коммуникациялық технологиялар (жасанды интеллект құралдары, Canva, бейнематериалдар, Baamboozle, Padlet) кеңінен қолданылып, оқушылардың оқу мотивациясы мен белсенділігі арттырылды. Формативті бағалау алдын ала белгіленген дескрипторлар негізінде жүйелі түрде жүргізілді.

Сабақтың құрылымы логикалық жағынан бірізді болып, кезеңдері өзара сабақтастықта ұйымдастырылды. Берілген тапсырмалар нақты өмірлік жағдайлармен (real-life context) байланыстырып, оқушылардың практикалық дағдыларын қалыптастыруға бағытталды.