ЖИ қолданылған «Фотосинтез» тақырыбындағы сабақ

Жетісу ауданы №148 мектеп-гимназиясы биология пәні мұғалімі Тұрсынгожина Айдана Қуанышқызы «Фотосинтез» тақырыбында 5 В сыныбымен ашық сабақ өткізді.

Сабақ барысында жасанды интеллект (ЖИ) мүмкіндіктері пайдаланыла отырып, оқушыларға фотосинтез үдерісінің мәні, жүру шарттары және тіршілік үшін маңызы жан-жақты түсіндірілді. Теориялық материалдар тәжірибелік тапсырмалармен және көрнекі құралдармен ұштастырылып, оқушылардың танымдық белсенділігін арттыруға мүмкіндік жасалды.

Сабақ барысында сұрақ-жауап, топтық және жеке жұмыстар ұйымдастырылып, оқушылар өз білімдерін бекітіп, ойларын дәлелдеуге дағдыланды. Ашық сабақ оқушылардың пәнге деген қызығушылығын арттыруға, зерттеушілік дағдыларын қалыптастыруға және биология бойынша білімдерін тереңдетуге бағытталды.