«ШАБЫТ ҮШТІГІ – ӘН, ҚИМЫЛ, ЕҢБЕК»: шығармашылық онкүндіктің ашылуы

Мектебімізде Эстетика пәндері әдістемелік бірлестігінің ұйымдастыруымен «ШАБЫТ ҮШТІГІ – ӘН, ҚИМЫЛ, ЕҢБЕК» атты онкүндіктің ашылу салтанаты жоғары деңгейде өтті.

Іс-шараның басты мақсаты – білім алушылардың шығармашылық қабілеттерін дамыту, өнер мен еңбектің маңызын насихаттау, эстетикалық талғамын қалыптастыру және рухани-мәдени құндылықтарды дәріптеу.

Салтанатты жиында оқушылар ән шырқап, би билеп, қолөнер және еңбек бағытындағы шығармашылық жұмыстарын көпшілік назарына ұсынды. Көркемдік-эстетикалық пәндердің өзара байланысы мен тәрбиелік мәні айқын көрініс тапты.

Онкүндік аясында алдағы уақытта түрлі шығармашылық байқаулар, көрмелер, шеберлік сағаттары және ашық сабақтар ұйымдастырылмақ.