Балалық шақ бояулары: My Kids паркінде өткен жарқын күн

Жетісу ауданы №148 мектеп-гимназиясының 6 “Ғ” сынып оқушылары сынып жетекшісі Нұрсұлтанова Айгерім Ардаққызының ұйымдастыруымен «My Kids» паркіне барып, мазмұнды әрі көңілді демалыс өткізді.

Сабақтан тыс уақытта оқушылар өзара тиімді қарым-қатынас орнатып, бірге ойнап, көтеріңкі көңіл-күйде уақыт өткізді. Бұл күн балалар үшін жарқын әсерлер мен ұмытылмас сәттерге толы болды.

Мұндай іс-шаралар сынып ішіндегі ынтымақтастықты нығайтып, достық қарым-қатынасты арттыруға және жағымды орта қалыптастыруға ықпал етеді. Сонымен қатар, оқушылардың әлеуметтік дағдылары мен өзара сыйластық мәдениетін дамытуға мүмкіндік береді.

💫 Бұл күн – оқушылардың балалық шақ естеліктерінде сақталатын жарқын сәттердің бірі.