«Дос бол! Like» акциясы өткізілді

Жетісу ауданы №148 мектеп-гимназиясында оқушылардың достық қарым-қатынасын нығайту, бір-біріне қолдау көрсету мәдениетін қалыптастыру және цифрлық ортада этикалық тәртіпті сақтау дағдыларын дамыту мақсатында «Дос бол! Like» атты акция ұйымдастырылды.

Акция барысында оқушыларға достықтың адам өміріндегі рөлі, өзара сыйластық пен құрметтің маңызы түсіндіріліп, әлеуметтік желілерді қауіпсіз әрі мәдениетті қолдану жөнінде ақпарат берілді. Сонымен қатар, онлайн қарым-қатынастағы «дос болу» және «ұнату» (like) белгілерінің мәні мен оларды дұрыс қолданудың маңызы талқыланды.

Іс-шара оқушылар арасында жағымды қарым-қатынасты қалыптастыруға, жауапкершілік пен мейірімділікке тәрбиелеуге ықпал етті.

Акция оқушылардың әлеуметтік және тұлғалық дағдыларын дамытуға бағытталған маңызды шаралардың бірі болды.