Жас мамандар онкүндігі: өнермен өрілген жарқын финал
Жетісу ауданы №148 мектеп-гимназиясында жас мамандар онкүндігі аясында мазмұнды және шығармашылыққа толы «Екі жұлдыз» қорытынды іс-шарасы ұйымдастырылып, онкүндік салтанатты түрде жабылды.
Іс-шара барысында жас мамандар мен тәлімгерлер өз өнерлерін ортаға салып, жан-жақты шығармашылық қабілеттерін көрсетті. Қатысушылар қазақ және ағылшын тілдерінде ән орындап, би билеп, көркем прозадан үзінді оқып, сондай-ақ қолөнер бұйымдарын таныстырып, жоғары деңгейдегі өнерлерімен көрермен ықыласына бөленді.
Мұндай іс-шаралар жас мамандардың жан-жақты дамуына зор мүмкіндік беріп қана қоймай, олардың кәсіби және шығармашылық әлеуетін ашуға ықпал етеді. Сонымен қатар, ұжымдық ортаға тез бейімделуіне, әріптестерімен еркін қарым-қатынас орнатып, тәжірибе алмасуына жол ашады. Осындай орта жас мамандардың өзіне деген сенімін арттырып, педагогикалық шеберлігін жетілдіруге және ортақ мақсатқа бағытталған біртұтас ұжымның белсенді мүшесі болуына септігін тигізеді.
