«Заң және тәртіп» секторы — мектептегі қауіпсіздік пен жауапкершіліктің тірегі

№148 мектеп-гимназиясының Өзін-өзі басқару ұйымы оқушылардың белсенділігін арттыру, мектепішілік тәртіпті сақтау және құқықтық мәдениетті қалыптастыру бағытында жүйелі жұмыстар жүргізуде.

«Заң және тәртіп» секторының негізгі міндеттері:

• Мектептің ішкі тәртіп ережелерінің орындалуын қадағалау;

• Оқушылардың құқықтық сауаттылығын арттыру;

• Тәртіп бұзушылықтың алдын алу жұмыстарын ұйымдастыру;

• Сыныптар арасында түсіндіру және профилактикалық әңгімелер өткізу;

• Қауіпсіз білім беру ортасын қалыптастыруға атсалысу.

Сектор мүшелері үзіліс уақыттарында, мектеп дәліздерінде және түрлі іс-шаралар барысында тәртіптің сақталуына өз үлестерін қосып, өзге оқушыларға үлгі көрсетуде.

Бұл бағыттағы жұмыстар оқушылардың жауапкершілігін арттыруға, құқықтық мәдениетін дамытуға және мектепте қолайлы, қауіпсіз орта қалыптастыруға ықпал етеді.

Өзін-өзі басқару ұйымы — оқушының белсенділігі мен көшбасшылық қабілетін дамытуға жағдай жасайтын маңызды орта.