«Географиялық қабықтың құрамы мен құрылысы» тақырыбында ашық сабақ өткізілді

Жаратылыстану бірлестігі кафедрасының «Жаратылыстану ғылымдары – зерттеулер мен инновациялар бастауы» атты онкүндігі аясында 11.02.2026 күні 8 «Г» сыныбында «Географиялық қабықтың құрамы мен құрылысы» тақырыбында ашық сабақ өткізілді.

Сабақты география пәнінің мұғалімі Есимова Меруерт Дюсеновна жоғары кәсіби деңгейде ұйымдастырып, оқушылардың пәнге деген қызығушылығын арттыруға бағытталған тиімді әдіс-тәсілдерді қолданды.

Сабақ барысында білім алушылар географиялық қабықтың құрамдас бөліктері, олардың өзара байланысы мен заңдылықтары туралы жан-жақты мағлұмат алып, теориялық білімдерін практикалық тапсырмалар арқылы бекітті. Оқушылар белсенді қатысып, сыни ойлау дағдыларын көрсетті.

Мұндай ашық сабақтар тәжірибе алмасуға, педагогикалық шеберлікті арттыруға және білім сапасын жетілдіруге мүмкіндік береді.