Буллингтің алдын алу – ортақ міндет

№148 мектеп-гимназиясында буллингтің алдын алу тақырыбы бойынша ата-аналар жиналысы өткізілді.

Жиналыстың негізгі мақсаты – ата-аналарға буллинг ұғымын түсіндіру, оның алдын алу жолдарын қарастыру және балалар арасындағы қарым-қатынасты жақсартуға бағытталған тиімді тәсілдерді талқылау болды.

Іс-шара барысында буллингтің түрлері, себептері мен салдары туралы жан-жақты ақпарат беріліп, ата-аналарға бала тәрбиесінде назар аударуға тиісті маңызды мәселелер түсіндірілді. Сонымен қатар, мектеп пен ата-ана арасындағы ынтымақтастықты нығайту қажеттігі атап өтілді.

Жиналыс соңында ата-аналар өз ойларымен бөлісіп, өзекті сұрақтарын қойды. Мұндай кездесулер балалардың қауіпсіз әрі қолайлы ортада білім алуына ықпал етеді.

Іс-шараның бейнематериалын төмендегі сілтеме арқылы көре аласыздар.