Бала қауіпсіздігі – ортақ жауапкершілік: маңызды ата-аналар жиналысы

Жетісу ауданы №148 мектеп-гимназиясында 4-сынып оқушыларының ата-аналарына арналған маңызды жиналыс ұйымдастырылды.

Кездесу барысында оқушылардың қауіпсіздігі, тәртібі және мектептің ішкі талаптарын сақтау мәселелері жан-жақты қарастырылды. Ата-аналарға білім беру ұйымындағы тәртіп пен қауіпсіздікке қатысты өзекті ақпараттар түсіндірілді.

Жиналыс аясында төмендегі маңызды мәселелерге ерекше назар аударылды:
🔹 Мектепте ақша жинауға және дастархан ұйымдастыруға қатаң тыйым салынатыны түсіндірілді;
🔹 14.04.2026 жылғы №201 мектепішілік бұйрықтың талаптарымен ата-аналар таныстырылды;
🔹 Жаз мезгілінде оқушылардың қауіпсіздігін қамтамасыз ету, судағы, жолдағы және қоғамдық орындардағы сақтық шаралары бойынша маңызды түсіндірмелер берілді.

Іс-шараның негізгі мақсаты – мектеп пен ата-ана арасындағы өзара ынтымақтастықты нығайту, балалардың қауіпсіз әрі саналы демалысын қамтамасыз ету және тәрбие үдерісіндегі бірлескен жауапкершілікті арттыру.

 Бала тәрбиесі – ортақ міндет, жарқын болашақ – бірлескен еңбектің нәтижесі.