Баланың қауіпсіздігі – ата-ана, мектеп және полицияның бірлескен ісі

Жетісу ауданы №148 мектеп-гимназиясында Жетісу ауданы полиция қызметкерлерінің қатысуымен ата-аналар жиналысы өткізілді.

Жиналыстың негізгі мақсаты – кәмелетке толмағандар арасындағы құқықбұзушылықтың алдын алу, балалардың қауіпсіздігін қамтамасыз ету және ата-аналардың құқықтық сауаттылығын арттыру болды.

Кездесу барысында полиция қызметкерлері жасөспірімдер тәрбиесіндегі ата-ананың рөлі, қоғамдық орындардағы қауіпсіздік ережелері, сондай-ақ құқықтық жауапкершілік мәселелері бойынша түсіндірме жұмыстарын жүргізді.

Ата-аналар өздерін толғандырған сұрақтарын қойып, мамандардан нақты жауаптар алды. Іс-шара барысында бала тәрбиесі мен қауіпсіздігіне қатысты өзекті мәселелер кеңінен талқыланды.

 Баланың қауіпсіздігі – отбасы мен қоғамның ортақ міндеті!