«Ұстаз ана» фильмі негізінде өткен тәрбиелік шара

Жетісу ауданы №148 мектеп-гимназиясында 1–7 сынып оқушыларына арналған тәрбиелік маңызы зор іс-шара ұйымдастырылды. Тәрбие сағаты барысында оқушылар «Ұстаз ана» көркем фильмін тамашалады.

Фильмде бейнеленген аналық мейірім, ұстаздық жанашырлық және шәкіртке деген шексіз қамқорлық жас көрермендердің жүрегіне терең әсер етіп, ерекше тебіреніс тудырды. Оқушылар ұстаз еңбегінің қадірін сезініп, адамгершілік, алғыс және құрмет сынды асыл құндылықтардың маңызын ұғынды.

Аталған шара — өскелең ұрпақты рухани-адамгершілікке тәрбиелеуге, ұстазға деген құрмет пен ризашылық сезімін қалыптастыруға бағытталған маңызды қадам болды.

Мектеп ұжымы алдағы уақытта да тәрбиелік мәні зор осындай іс-шаралар арқылы оқушылар бойында ізгілік, мейірім және адамгершілік қасиеттерін қалыптастыруды жалғастыра бермек.