«Жасанды интеллект – функционалдық сауаттылықты дамыту құралы» тақырыбында қалалық семинар өткізілді

Жетісу ауданы №148 мектеп-гимназиясында «Жасанды интеллект – қазақ тілі мен әдебиеті пәнінде функционалдық сауаттылықты арттыру құралы» атты қалалық семинар өткізілді.
Семинардың ұйымдастыру кезеңі қазақ халқының асыл қасиеттерінің бірі – қонақжайлылық дәстүрін насихаттауға бағытталды. Қатысушылар ұлттық нақыштағы әуенмен қарсы алынып, жылы лебіздер мен ізгі тілектер айтылды.
Семинардың басты мақсаты – сабақ барысында жасанды интеллект құралдарын тиімді қолдану арқылы оқушылардың функционалдық сауаттылығын дамыту жолдарын көрсету болды. Сонымен қатар, тренингтің мақсаты – жағымды психологиялық ахуал қалыптастыру, қатысушылар арасында ынтымақтастық пен өзара құрмет атмосферасын орнату.
Қатысушылар тәжірибе алмасып, заманауи білім берудің жаңа мүмкіндіктерімен танысты. Семинар жұмысына көтеріңкі көңіл-күй сыйлап, ұлттық құндылықтар мен заманауи білім берудің сабақтастығы айқын көрініс тапты.
Білім беру үдерісіндегі инновациялар сапалы білім нәтижесіне бастар жол болып табылады.

https://www.instagram.com/p/DVeDGwCimX8/?hl=ru
https://www.instagram.com/p/DVeDXPmiq6g/?hl=ru
​https://www.instagram.com/p/DVeF6oFil97/?hl=ru​​​

Осы беттің QR-коды:
QR-код этой страницы: